காலை

விழி மூடி 

தூங்கும் போது 

விழியை வருடும் ஒளி...!

இலக்கு

நம்மை

துரத்தும் கனவுகளின்

சேருமிடம்....!

கடிகாரம்

நகரும் நிமிடம்யாவும்

டிக் டிக் டிக் என்றாலும்

சில நேரங்களில்

பக் பக் பக் என்றும்

திக் திக் திக் என்றும்

மாறியும் கேட்கிறது....!

மெழுகுவர்த்தி

மெய்யான

மெய்சிலிர்க்கும்

மெஸ்ஸியின்

கால்பந்தாட்டம்.....!

கால் பந்து திருவிழா

இலக்கை (goal) 

அடைந்தால் வெற்றி

அடையவில்லை என்றால்

முயற்சி.....!

இயற்கை

மழையும் வெயிலும்

வசன வரிகள் (subtitle) 

இல்லாமல் நடக்கும் அதிசயம்....!

ஜன்னல்

நகரும் தொடர்வண்டியில்

பல இயற்கை காட்சிகள்

கடந்து செல்கிறது....!

அனுபவம்

வெற்றியை விட தோல்வி கற்பித்த பாடங்கள் அதிகம்....!

ரசிப்பு

ரசிப்பு

வீட்டை சுற்றி 

பெய்யும் மழை

மனதை சுற்றி 

நனையும் சாரல்.....!

ஆளுமை

இயற்கையால்

மழை,வெயில், பனி

திட்டமிட்டு

அனுப்பி வைக்கப்படுகின்றன.....!

காலம்

கரைந்து கொண்டேயிருக்கும் நிமிடங்கள்யாவும் 

பல ரகசியத்தை

சொல்லித்தருகிறது...!

நீதி தேவதை

சில தீர்ப்புகள்

மனதினுள்

வாதடப்படுகிறது....!

ஆசிரியர்

மாணவர்கள்

வளர்ச்சியையும்

வாழ்க்கையையும்

மாற்றும்

வழிகாட்டி..!

சொர்க்கம்

அதிகாலை

சுடாத சூரியன்

சுடும் தேநீர்

சுழலும் மனது....! 

விடுதலை

பல சரித்திர கதைகள் 

கலந்தது நம் சுதந்திர காற்று....!

சரித்திரம்

வாழ்க்கை காகிதத்தில்

வெற்றிகளும்

வெற்றிடமும்

நம்மால் எழுதப்படுகிறது....!

சதுரங்கம்

கறுப்பு வெள்ளையாய்

சில கட்டங்களும் சட்டங்களும்

நம்மை நகர்த்துகிறது....!

பாரட்டுகள்

நம்

வாழ்க்கையின் உத்வேகத்தை

அதிகரிக்கிறது....!

எதிரோலி

பிறரிடம் அன்பை மட்டும்

பகிர்வதால்

திரும்ப கிடைக்கிறது....!

மொட்டை மாடி

என்னுள் புகுந்து

உற்சாகப்படுத்தும்

ஜூலை காற்று.....!