ஜலதோஷம்

மழையில் குடை விரித்து
நடந்த போதும்
சில சாரல்கள் என் மீது......!

செய்தித்தாள்

தினமும்
உன் விழி தான்
தலைப்புச்செய்தி
பரபரப்பில் நான் ....!

விலைவாசி

தங்கம் மட்டும் தான்
ஏறுகிறது
பெண்ணிலும்
ஊடகங்களால் கண்ணிலும்...!

தமிழ் (செம்மொழி மாநாடு)

மாநாடுகளாய் கலையாமல்
மனதுடன் கலந்துதிருங்கள்

முதியோர் இல்லம்

வாழ்ந்து விட்ட இளமையும்
வளர்த்து விட்ட இளமையும்

அசை போடும் இடம்

மௌனம்

பேசும் பொழுது
அடிக்கடி மௌனமாகிறாய் ......
என் பேச்சை கேட்கவா?
என்னை பேசவைத்து கேட்கவா ?

விடுமுறை

உன் விடுமுறை
நாட்களின் மறுநாள் கணக்கிறேன்

உன்னை காண நொடிகளை தாங்கியதால்