முச்சு பயிற்சி

கட்டாயமாக்கப்பட்ட என் நகர வாழ்கையில்
விடுமுறைக்கு மட்டும்
 சொந்த ஊர்
சென்று சுவாசிக்கிறேன்
சொந்தங்களையும் சுத்த காற்றையும் .........!

தொலைந்து போனது

தனிமை 

என்னிடம் கேட்கிறது 

கைபேசி இல்லாமல் 

நீ இருப்பதில்லை ......!

தேர்தல்

வந்து விட்டார்கள்

என் விரலுக்கு சாயம் பூச.......!

சட்டத்தில் திருத்தம் 

என் வீட்டு சுவரில் பூச தடை ....!

பதிவுகள் இங்கே பதவிகள் 

வாங்கி தருகிறது .....!

ஓட்டு அளிப்பது ஜனநாயக கடமை .தவறாமல் ஓட்டு அளிக்க வேண்டுகிறேன் .

கடவுச்சொல்(PASSWORD)

அவளின் பெயரை
கடவுச்சொல்லாக  பயன்படுத்துவதில்லை
இணையத்தில் வைரஸ்கள் இருப்பதால் .....!

இரகசிய அறை

நீதி மன்ற தீர்ப்புகளுக்கு 

அப்பாற்பட்டது 

என் மனதின் இரகசிய அறைகளில் 

புதைந்து கிடக்கும் 

அவளின் 

கற்பனைகள் ,கவிதைகள்,நினைவுகள் ,

கனவுகள் ,சந்தோஷ நிமிடங்கள் ,துக்க தருணங்கள் 

இன்ன பிற ......!

குளியல்

என் இல்லத்திற்கு
மழை காலங்களில்
 குளிர்ந்த நீரில் தான் 
குளியல் .....!

வருமான வரி தாக்கல்

நான் சேமித்த
அவளின் சிரிப்பை
தவிர அனைத்தையும் தாக்கல்
செய்து விட்டேன் ......!