நேரம்

கடந்து போன விநாடிகளும்
கடக்க இருக்கும் விநாடிகளும்
அவளின் ஆட்சி அமைகிறது...!

பார்வை

அவளின் விழிக்குள்
விழும் விநாடிகள்யாவும்
ரசிக்கிறேன்....!

கோகோ மிட்டாய் (chocolate)

அவளின்
நினைவுகளும்
கனவுகளும்
நீண்ட நேரம் இனிக்கிறது.....!

அதிசயம்

அவளின்
ஆட்சியில்
நகர்ந்த  நிமிடங்கள் 
நகரப்போகும் நிமிடங்கள்....!

நாணம்

அவள் மீது என்
ஒரு விநாடி பார்வையில்
புன்னகையுடன் மறைகிறது....!

நட்பு

மகிழ்வான தருணங்கள்
சின்ன  சண்டைகள்
பெரிய கதைகள் 
அர்த்தமில்லா கோபங்கள்
அழகிய உரையாடல்கள்
எதிர்பாரத பரிசுகள்
தாங்கும் ஒரு உறவு..!

ரசிப்பு

அவளின் கோபங்கள் யாவும்
கற்கண்டு போல்
சத்தமிட்டு பின் இனிக்கிறது....!